講清楚資料 點樣用。

適用範圍

本政策適用於 AI Concept Studio 官網及由網站開啟嘅 WhatsApp／電郵查詢。外部網站、訊息平台、社交平台或者第三方服務有自己嘅私隱安排，請另行查閱。

可能處理嘅資料

本網站現時冇聯絡表單或者帳戶系統。當你透過 WhatsApp 或電郵聯絡我哋，你提供嘅內容會經相關第三方訊息或電郵服務送出。

• 你主動提供嘅姓名、公司、職銜、聯絡方法、查詢內容同附件。
• 合作或報價過程中，為咗理解需要、回覆查詢同處理工作而提供嘅資料。
• 由網站託管或保安服務產生嘅基本技術紀錄，例如 IP address、瀏覽器、裝置、請求時間、所瀏覽路徑同錯誤紀錄。
• 網站分析資料，例如所瀏覽頁面、語言、服務類別、來源網站，以及 WhatsApp／電郵入口嘅點擊。

資料用途

我哋只會將資料用於同收集目的直接相關嘅工作。除非你另行同意，唔會將查詢資料用於無關嘅 direct marketing，亦唔會出售個人資料。

• 回覆、評估同跟進你嘅查詢。
• 準備 proposal、報價、工作安排同交付。
• 維持網站安全、可靠性、除錯同防止濫用。
• 了解邊啲內容及服務有用，改善網站操作同查詢入口。
• 遵守適用法律、會計、合約或保障合法權益嘅需要。

服務供應商同資料披露

為咗營運網站、訊息、電郵同實際工作，資料可能由提供託管、保安、訊息、電郵、檔案處理或專業支援嘅服務供應商代為處理。只有喺完成相關工作所需、你已同意，或者法律要求時，先會向其他人士披露。部分服務供應商嘅基礎設施可能位於香港以外；WhatsApp 等第三方平台亦有自己嘅資料處理安排。

保存同保安

資料只會保留到完成原有用途、處理合作、履行法律或會計需要所需嘅時間；唔再需要時會合理地刪除或去識別化。我哋會採取合理可行措施，減低未經授權存取、遺失、誤用或披露嘅風險，但任何網上傳輸都唔可能保證零風險。

GA4 嘅事件資料保留期目前設定為 2 個月，用戶資料為 14 個月；新活動會重置該用戶資料嘅保留期限。Google 按其定期程序刪除到期資料。呢啲期限適用於相關用戶及事件層級資料，唔限制標準匯總報告嘅保存時間，亦唔等同瀏覽器 cookie 嘅有效期。

Cookies 同技術資料

本網站使用 Google Analytics 4（GA4）量度頁面瀏覽、服務瀏覽同聯絡入口點擊。分析開啟時，Google 可能使用 _ga 等第一方 cookies 識別瀏覽器及整理使用情況，並由其服務基礎設施處理相關技術資料。GA4 透過 Google Tag Manager 管理，並關閉 Google Signals 及廣告個人化訊號。

GA4 分析預設開啟，並於頁面載入時啟動。你可以用以下選項關閉；偏好會儲存喺目前瀏覽器嘅 local storage。GA4 量度亦會尊重瀏覽器嘅 Do Not Track 或 Global Privacy Control 訊號。關閉後會停止本網站嘅 GA4 量度，並清除本網站可存取嘅 GA cookies。清除瀏覽器資料或轉用其他瀏覽器後，需要重新設定。

我哋嘅自訂分析事件只記錄頁面及入口脈絡，唔會讀取或傳送你嘅 WhatsApp 訊息、電郵內容或附件。聯絡入口點擊亦唔代表你已經送出查詢。網站託管及保安服務仍可能處理提供、保護或診斷網站所需嘅技術紀錄。

Cloudflare 提供網站託管、內容傳遞及保安服務。網站亦啟用 Cloudflare Web Analytics／RUM，量度頁面瀏覽同載入效能；呢個功能同保安技術紀錄獨立於以下 GA4 開關。網站字型由本網站提供，唔需要另外向 Google Fonts 請求字型。

Google 如何處理使用其服務嘅網站資料

查閱、更正同查詢

你可以查詢我哋係咪持有同你有關嘅個人資料，並按《個人資料（私隱）條例》要求查閱或更正。請電郵 cs@aiconceptstudio.online，清楚說明要求同足夠資料，等我哋可以核實身份同定位紀錄。法例容許嘅限制或例外仍然適用。

政策更新

網站功能、供應商或法律要求改變時，我哋可能更新本政策。最新版本會放喺呢個頁面，並標示更新日期。