DIGITAL EXPERIENCE · WEBSITE STRATEGY, DESIGN & DEVELOPMENT
由第一眼見到咩、去邊度搵答案，到最後點樣聯絡你，每一步都應該有清楚原因。我哋由企業目標同資訊架構開始，再落到內容、設計、開發同搜尋基礎。
移近或輕觸圖示查看內容
OUR COMMITMENT
ACS · WEBSITE
起步價
HK$3,700 起
收費按實際頁數計算；HK$3,700 起包括 3 pages：1. 品牌/產品頁、2. About Us、3. 私隱政策與條款 (Privacy Policy & Terms)。無隱藏收費。
確認需求同內容後，5 個工作天內完成開發同上線，唔使等幾個月。
交付嘅唔只係一個網站，而係源碼、域名、電郵、SEO 基礎同搜尋工具設定——全部歸你。
報價講清楚包咩、唔包咩。無加項收費、無「攞源碼要另外畀錢」、無綁約。
每個網站都由你嘅企業目標、受眾同實際需要出發，唔係改個 colour 就交嘅 template。
DELIVERABLES
由源碼到域名、電郵、搜尋主控台同分析工具，第一年嘅網站資產同維護，全部喺呢個 package 之內。
BUILD MANIFESTWEBSITE / 01
網站以 Astro Framework 構成，提供 Desktop、tablet、手機三端一致體驗，並完整交付資訊架構、頁面系統同 reusable components。
完整網站原始碼，Git repository 備份，你可以自行管理、修改或帶走，無任何平台鎖定。
首版提出後，提供 3 次集中修改回合，處理內容、版面同細節，令方向收斂後先交付。
可按品牌需要代辦 .com、.online、.co、.hk、.net、.org 等常見網域；第一年註冊費用已包。
完成 Google Workspace 或同級服務連接後，可按需要建立 cs@、business@、info@、ads@ 等 custom domain 電郵地址（MX、SPF、DKIM）。
語意 HTML、metadata、canonical、hreflang（雙語適用）、sitemap、structured data 及基本搜尋引擎提交。
睇 Astro vs WordPress 完整比較完成網站提交同分析工具設定，上線後可直接監察搜尋表現同流量。
域名續費、Cloudflare Pages 靜態主機同自動 SSL 憑證，第一年維護範圍內全部管理。
內容更新、保安修補、效能監察、電郵及域名續費提醒；按實際需要安排更新次數同 response time。
實際項目範圍、頁數、功能、CMS 整合、自訂 integration 同深度維護安排會喺報價階段列明。SEO-ready 代表建立可被理解嘅技術同內容基礎，唔代表保證搜尋排名。
CUSTOMER PROBLEM
網站要令客人搵到你、了解你，再產生查詢。每個設計，都應該由你嘅生意需要出發。
起初報價平靚正，一路做一路加：改文字要加錢、加頁要加錢、連攞源碼都要再加一筆。最終使費遠超預算。
報價時講到天花龍鳳，交貨時發現設計唔對、功能欠奉、進度一拖再拖，影響你嘅推廣計劃。
用現成 template 改改顏色就交貨，無考慮你嘅行業、目標受眾同實際業務需要。你嘅網站同對手一模一樣。
網站上線就完，無人跟進。內容要自己改、bug 要自己摸、域名到期無人提，網站慢慢變成孤兒。
域名、源碼、主機全部喺開發者手上。想換人？要返自己嘅網站？對方可以開天殺價，你連走都走唔到。
FIRST-PRINCIPLES LENS
傳統網站項目容易由頁數、功能清單、CMS 同動畫開始。ACS 先問訪客需要理解咩、信任咩、做到咩，再決定真正需要嘅頁面、內容、功能同技術。
先安排訪客最需要嘅答案，唔好為咗填滿 sitemap 而加頁。
無清楚使用需要，就唔增加 CMS、會員、dashboard 或複雜 integration。
先建立最重要嘅訪客路線；有實際需要先擴充功能同內容。
少一個無人使用嘅功能，往往比多一個「完整」功能更有價值。
ACS APPROACH
我哋唔會一開始就揀動畫、顏色或者 template。先確認網站要改變咩、邊類訪客會嚟、佢哋要搵咩答案，再決定每頁負責咩工作。
將「想整靚個網站」收窄成清楚嘅企業同訪客目標。
建立 page map、內容層次、頁面角色同主要 CTA。
用品牌視覺、responsive layout 同 reusable components 建立一致體驗。
檢查語意結構、metadata、裝置表現、連結同關鍵行動。
TECHNOLOGY BEHIND THE APPROACH
因為我哋用 Astro Framework 建立網站。Astro 先將內容變成直接顯示嘅 HTML，只有真正需要互動嘅地方先載入 JavaScript。相比傳統 CMS 架構，呢個模式天生更快、更輕、對搜尋引擎更友善。
睇 Astro vs WordPress 完整比較SERVICE SCOPE
實際範圍會按項目需要確認；以下係一個完整 public-facing 網站通常會涉及嘅三層工作。
WHO IT IS FOR
BRANDS & SMEs
AGENCY PARTNERS
FAQ
可以先由目標、受眾問題、page map 同內容盤點開始。完整文案撰寫或內容製作會按實際項目另行確認範圍。
唔係。SEO-friendly 係建立清楚資訊架構、語意 HTML、metadata、canonical／hreflang（如適用）同效能基礎；實際排名亦受內容質素、競爭、網站權威同持續更新影響。
可以。我哋會先盤點現有頁面、內容、資產同流量入口，保留仍然有效嘅部分，再處理需要重整嘅結構同體驗。
可以。需要時會用分開網址輸出完整中文同英文頁面，並處理語言導覽、canonical 同 hreflang，避免只靠前端切字。
